Regularización n’Asturies de les empreses d’intermediación turística

Foto: Armando Álvarez.

El Conseyu de Gobiernu aprobó’l decretu que regula les condiciones que tienen de cumplir les empreses d’intermediación turística con see n’Asturies, según el so réxime xurídicu. La norma tamién afecta a les compañíes d’esti tipu domiciliadas fora de la comunidá que quieran abrir sucursales nel Principáu

Les empreses d’intermediación turística son aquelles que desenvuelven actividaes de mediación y organización de servicios turísticos. La nueva normativa axusta que van poder enmarcase nesta categoría tantu les axencies de viaxes como les centrales de reserves y afita los requisitos para les dos modalidaes, amás de disposiciones comunes a dambes.