(EUROPA PRESS) La Plataforma d’Afectaos pola Hipoteca y Desahucios d’Asturies cargó esti vienres contra la empresa del Gobiernu asturiana Viviendes del Principáu S.A. (Vipasa) a la qu’acusó de tar desahuciando a inquilinos de viviendes sociales.
«En cuenta de buscar soluciones a los problemes, Vipasa desahucia a les persones con más trabancos», llamentaron los responsables de Vipasa al traviés d’una nota de prensa.
Los problemes nun solo tán nos desahucios, tamién se refirieron en rentes que nun son axustaes a los ingresos de la unidá familiar, cuotes de comunidá desproporcionaes» pal perfil de les families y l’obligatoriedá de la plaza de garaxe, anque nun se tenga coche.
Dende PAH Asturies consideren que munches d’eses viviendes nun son axustaes pa entrar a vivir porque s’axudicaron sin los servicios básicos daos d’alta porque existen deudes anteriores y «han pagales los nuevos inquilinos». Asina, reclamaron al Gobiernu del Principáu «voluntá política» p’atayar toos estos problemes.
A lo último, consideraron «una barbaridá» la forma d’axudicar una vivienda nos sorteos qu’entama Vipasa. «Esto nun ye un bingu, el derechu a la vivienda nun pue exercese dexándolu a la suerte, tendría qu’existir un baremu de prioridaes que reflexen la realidá de les persones que demanden una vivienda social, que pola estafa económica que tamos viviendo, cada vez son más», atayaron.