El coordinador xeneral d’IX, Manuel González Orviz, aseguró güei que la decisión del ministru de Facienda, Cristóbal Montoro, d’activar a nivel estatal l’impuestu sobre los depósitos bancarios supon n’Asturies un regalu» de 45 millones d’euros a les entidaes financieres asitiaes na rexón.
Orviz referíase asina al fechu de que l’impuestu estatal gravará a los depositos bancarios con un tipu impositivu del 0,03 per cientu, ente que l’autonómicu ye del 0,3 per cientu y que con él les arques del Principáu preven recaldar anguaño unos 50 millones d’euros.
«Lo que pretende esta midida de Montoro ye qu’en cuenta de recaldar esos 50 millones d’euros de los bancos, recaldar l’Estáu, pero solamente 5, colo cual, la fiesta ésta sále-y a les entidaes financieres con unos beneficios de más de 45 millones d’euros», afirmó Orviz nun comunicáu nel califica la midida de «impresentable».
A xuiciu del coordinador d’IX, el tipu impositivu anunciáu pol Gobiernu de Rajoy puede calificase, en términos vulgares, de «una estafa, un fraude»
El dirixente d’IX recordó qu’hai un recursu nel Constitucional contra l’intentu del PP d’invalidar l’impuestu asturianu a la banca y que ésti, nestos momentos, ta a valir, anque solo la Caxa Rural haber fechu efectivu, una y bones el restu de los bancos namá presentaron un aval.