La pretendida meyora de la calidá democrática, cola elección directa de los alcaldes propuesta pol presidente Mariano Rajoy, solo escuerre evitar el derrumbe del bipartidismu. Frente a ello, el coordinador de IU Asturies reclamó midíes que dexen mayor representatividá, daqué que, al so xuiciu, refuguen tantu’l PP como’l PSOE. Manuel González Orviz aseguró que la iniciativa pretende desaniciar l’esbarrumbe de dambos partíos, tres les últimes resultancies electorales, y les bien negatives previsiones electorales pa los próximos comicios locales, autonómicos y estatales. “Lo que despinten ye compensar el derrumbe electoral que preven el Partíu Socialista y el Partíu Popular y en nengún casu tratar d’una meyora na calidá democrática. Al contrariu, son tontures, empiorar, porque lo que quieren ye amenorgar entá más la representación ciudadana nes instituciones, como ye la midida complementaria del amenorgamientu de los diputaos”.
Pal máximu responsable d’IX, éstes nun son midíes de rexeneración de nada y lleguen pola medrana del PP, en perdiendo 2,6 millones de votos (nes postreres Europees), a que la corrupción que lu afecta y el empobrecimiento de les families páselos nuevamente factura. El PP, abondó, “lo que trata de xenera ye un marcu llegal que-yos dexe siguir gobernando, a ellos y al PSOE, ensin ganar les elecciones”.
Orviz foi especialmente críticu colos socialistes, a quien recordó que, n’Asturies, podríen aprobar una reforma electoral p’acabar col inxustu sistema que rixe na Comunidá Autónoma pero, una vegada más, torgar. “El PSOE nestes coses van na mesma llínea, son partíos paecíos pola senciellu razón de que dambos partíos vense afectaos por esta debacle y vanse a echar un gabitu”
La elección directa d’alcaldes, llueñe d’ameyorar la calidá democrática, aseguró Orviz, lo que fai ye llindar la representación de la voluntá de la ciudadanía. “Lo más esmolecedor ye que los candidatos del Partíu Socialista dicen que nun lo ven mal. Pero ta claro qu’estos partíos xueguen a confrontar equí y güei mesmu terminen votando xuntos pa escoyer el presidente de la Comisión (Europea)”.
La propuesta de Rajoy vien dar respuesta, según Orviz, a les medranes de los poderes económicos, esmolecíos pola debacle del sistema políticu del bipartidismu. “Los verdaderos poderes d’esti país, que nun taben esmolecíos pola desafección democrática, tán esmolecíos porque los partíos del réxime, el PP y el PSOE, dexaron de recibir votos y éstos fueron a la izquierda alternativa”. Ello ye que esti tipu de cambeos nes lleis electorales nun favorecen una mayor cercanía ente la ciudadanía y la política y suponen sentar les bases d’un nuevu modelu más antidemocráticu al más puru estilu de la restauración borbónica del sieglu XIX, col sistema de l’alternanza. “Lo que tán impulsando ye un pucherazo, retayando la democracia col amenorgamientu del númberu de diputaos y otres forma d’elección pa desvirtuar la verdadera representación popular y conformar asina unos parlamentos, por aciu inxeniería electoral, que tengan pocu que ver cola verdadera voluntá popular”.
González Orviz inscribió esta propuesta nel mesmu modelu de retayu de la capacidá ciudadana qu’impulsen los populares cola reforma de les alministraciones locales y que, aprofió, nun puede pasar pola fusión de conceyu, sinón por dotalos d’un financiamientu abondu y potenciando la cooperación ente ellos p’ameyorar la prestación de servicios.
Pal coordinador d’IX, ta produciéndose una auténtica involución que’l so oxetivu postreru ye blindar un modelu que favorez la desigualdá. “Xueguen colos aforados no que fai a lo del Rei (Juan Carlos I). Lo que queremos ye que los aforamientos aplíquense puramente a les funciones parlamentaries o xudiciales de diputaes o del Poder Xudicial y non a les actividaes non públiques d’éstos. El furo hai de sirvir por que nengún diputáu pueda ser escorríu pola defensa de les sos idees y non pa tapar actividaes presuntamente delictives de aforados sinvergüences”.