(EUROPA PRESS) Un pescador, de 49 años, morrió esta nueche en cayendo a la mar y recibir un golpe na cabeza cuando se taba preparando pa salir a a la mar nel puertu de Ribeseya, cerca de la rula.
Anque los servicios sanitarios desplazaos al llugar tuvieron practicándo-y maniobres de reanimación a lo último namás pudieron verificar el so fallecimientu.
Hasta’l llugar del accidente, movilizaos pol SAMU (Serviciu d’Atención Médica Urxente), desplazóse l’equipu d’Atención Primaria de Ribesella con una ambulancia y l’equipu médicu de la UVI-móvil de Les Arriondes. La Guardia Civil fízose cargu de los trámites pa proceder al llevantamientu del cadabre.
La Sala 112 del SEPA (Serviciu d’Emerxencies del Principáu d’Asturies) recibió l’avisu a les 00.27 hores. Na llamada indicaben qu’un marineru cayera d’un barcu al agua y nesi momentu nun lu víen, taben buscándolu.
Asina, amás de pasar l’avisu al SAMU, movilizóse una dotación de Bomberos del SEPA con base nel parque de Llanes, alertar a Salvamentu Marítimu de Xixón que señaló qu’enviaba al llugar el so helicópteru de rescate, l’Helimer, y informóse de lo asocedío a la Guardia Civil.
Cuando tolos medios taben alertaos, namás unos minutos más tarde, a les 00.35 hores, l’alertante vuelve ponese en contactu col 112 pa indicar que rescataron del agua al pescador. Nesi momentu anúlase tol operativu de busca y rastrexu ya infórmase a Salvamentu Marítimu de Xixón que tamién suspende la movilización del helicópteru.
Nel avisu tamién espliquen que l’afectáu ta inconsciente. A lo último los servicios sanitarios namás pudieron verificar el so fallecimientu. Como marca’l protocolu, el Centru de Coordinación d’Emerxencies tamién informó de lo asocedío a l’autoridá llaboral competente.