(Reuters/EP) Les fuerces del Gobiernu ucranianu llograron retomar esti vienres el control de la ciudá de Mariupol, ubicada nel este d’Ucrania y que tuviera hasta agora en poder de separatistes prorrusos, y volvió colgase la bandera ucraniana nel principal edificiu gubernamental d’esta población portuaria, según informó’l ministru del Interior ucranianu, Arsen Avakov.
«A les 10.34 hores (9.34 hora peninsular española), la bandera d’Ucrania colgóse nel Conceyu de Mariupol», aseguró Avakov, nun mensaxe publicáu na so páxina web de la rede social Facebookl. Les fuerces de seguridá ucranianes atacaron la ciudá de Mariupol nel marcu de la so ofensiva pa recuperar les posiciones tomaes polos separatistes prorrusos.