La concejala d’IX nel Conceyu d’Uviéu Cristina Pontón amosó esti vienres el sofitu de la so organización al conceyal d’esta formación nel Conceyu de Candamo que trabaya como policía local na capital asturiana.
Nuna nota de prensa Pontón afirma que «ye una cuestión de defensa de los derechos constitucionales d’un colectivu que tien acutaos el so derechu a la participación na democracia». «La interpretación xurídica que se fai ye restrictiva ya incorrecta. Los policías locales, fora del so conceyu, son ciudadanos normales que pueden ser escoyíos pa cargos políticos, fora del conceyu nun son axentes de l’autoridá y por tantu nun comprometen el llabor municipal o alministrativa. Vamos Siguir los pasos llegales necesarios pa defender a Óscar y a tol colectivu de la Policía Local. La Llei constitucional hai qu’interpretala a favor de la democracia y nun llindándola», declaró la edil.
Recuerda amás que «Óscar comunicó dende l’entamu a toles alministraciones implicaes la so situación ensin tener nengún tipu de torga. Esperamos de l’alministración local el máximu sofitu pa dar esta batalla que ye por tola policía. La estructura de la Policía Local d’Uviéu puede faer enforma pa sofitanos y sofitar a esti trabayador».
«Empecipiamos esta defensa política y xurídica col ánimu d’abrir un alderique que termine con esta inxusticia que carecen los y el trabayadores de la policía Local. Per otra parte tantu Óscar como IX poner a disposición de l’alministración local pa collaborar en tou lo que sía necesariu si’l Conceyu d’Uviéu ye riquíu por otres alministraciones. Per otra parte, anunciamos tamién actuaciones dean la Xunta Xeneral del Principáu d’Asturies yá que este ye un asuntu qu’afecta a toa Asturies», manifestó la vocera.