IX d’Asturies salió güei a la cai en Xixón para sofitar la manifestación entamada en defensa de la oficialidá de la llingua asturiana. La eurodiputada y candidata d’IX a la presidencia d’Asturies, Angela Vallina, xuntu al númberu dos de la formación al Congresu de los Diputaos, Juan Ponte, reivindicaron güei el derechu irrenunciable d’Asturies a alzar a la máxima categoría’l so idioma.
Para Vallina, Asturies nun puede conformase ensin llograr que l’asturianu tenga la mesma considerancia qu’otres llingües españoles porque, dixo, “nun somos menos que nengún otru pueblu d’España o comunidá. Tenemos el mesmu derechu a falar la nuesa llingua y a defendela porque ye la nuesa cultura, los nuesos raigaños”.
Juan Ponte esplicó que’l cambéu lexislativu yera necesariu y “irrenunciable“ y xustificó la movilización porque, enfatizó, “los derechos nun esisten ensin llucha social”.