(EUROPA PRESS) La diputada del PP na Xunta Xeneral d’Asturies (XXPA), Emma Ramos, va ser d’equí p’alantre la voceru axunta del Grupu Popular, sustituyendo a Fernando Goñi. Ramos tamién va asumir los llabores de la secretaría xeneral del grupu, trabayu que realizaba hasta la fecha Luis Venta.
Asina lo anunció la presidenta del PP d’Asturies y vocera del Grupu Popular, Mercedes Fernández, en declaraciones a los periodistes nos pasiellos del Parlamentu asturianu. Dixo que’l cambiu obedez a que tanto Goñi como Venta puean centrase nos llabores del partíu, onde ocupen los cargos de secretariu xeneral y vicesecretariu d’organización respectivamente.
Ramos, que nun ocupa nengún cargu nel partíu, va pasar asina a coordinar tolos trabayos del grupu. «Ye una muyer trabayadora y minuciosa», dixo Mercedes Fernández, que cree que los llabores de partíu» del PP d’Asturies han «intensificase» de cara a les próximes cites electorales. «Los trabayos requieren munchu esfuerzu y horarios ininterrumpíos», comentó.