El TSXA obliga al Gobiernu d’Asturies a almitir l’espediente de caducidá de la mina de Salave

audienciaprovincialoviedo_20130918194045_800(EUROPA PRESS) La Plataforma Oro No anunció esti xueves que’l Tribunal Superior de Xusticia d’Asturies dio-y la razón na demanda presentada contra’l Principáu d’Asturies por inalmitir l’espediente de caducidá que’l colectivu presentara frente a les concesiones mineres d’Asturgold, denominaes Grupu Salave.

Nuna nota prensa, la plataforma señala que la Sala de lo Contencioso-Alministrativo condenó al Principáu d’Asturies per mediu de sentencia de 26 de mayu del 2014 “a que lleve a cabu la tramitación del espediente de caducidá de les concesiones mineres del Grupu Salave”; imponiendo a l’Alministración y a Asturgold les costes procesales causaes.

Esta condena obligaría al Gobiernu d’Asturies, según el colectivu, a “tramitar un espediente de caducidá de les concesiones ‘Dos amigos nº 24.371’, ‘Salave n º 25.380’, ‘Figueras nº 29.500’, ‘Ampliación a Figueres nº 29.969’ y ‘2ª Ampliación a Figueres nº 29.820’, que son los permisos sobre los qu’Asturgold pretende llograr autorización pal proyectu de mineru de Salave”.

Nesti sen, Oro No solicitará que se paralice la tramitación de l’autorización del proyectu mineru d’esplotación de “Salave” hasta que nun se remate dichu espediente de caducidá.

Tal como alvertimos nel so día, el Principáu podía tar responsabilizáu nel casu de qu’aprobara un proyectu “sin esperar a un pronunciamientu sobre la caducidá de les concesiones”.

La Sentencia dexa patente, según la nota de prensa, que’l Principáu d’Asturies inalmitió de manera illegal los pidimientos de caducidá presentaos por Oro No, lo que supón una prueba más del tratu illegal y de favor que recibe Asturgold per parte de l’Alministración autonómica, fechos qu’Oro No denuncia una vez más. Por ello, esiximos al Gobiernu d’Asturies que se llende a la llegalidá nes sos actuaciones y defenda los intereses xenerales, puesto qu’en casu de nun faelo, van ser los Tribunales los qu’amparen los derechos de los afectaos.