El Principáu va trabayar para ameyorar l’usu d’antibióticos

El Conseyu de Gobiernu dio lluz verde a l’adhesión del Principáu al conveniu de collaboración ente l’Axencia Española de Melecines y Productos Sanitarios (AEMPS) y la Xunta de Galicia pa implementar los Programes de Optimización d’Usu d’Antibióticos (PROA) nel ámbitu hospitalariu, según na atención primario y sociosanitario.

L’adhesión a esti conveniu va suponer el fomentu del usu racional d’antibióticos na nuesa comunidá. Amás, va nomar a un coordinador científicu-técnicu que la so principal función va ser coordinar la implementación y collaboración de los equipos PROAs de les distintes árees sanitaries p’ameyorar y optimizar el manexu de la terapia antimicrobiana nos ámbitos d’atención hospitalaria, primaria y sociosanitaria.

Estos programes, que va xestionar la Conseyería de Salú, amosáronse bien eficaces pa la meyora en tratamientu de pacientes con infecciones graves y dexaron perfeccionar y optimizar el manexu terapéuticu antimicrobiano d’infecciones frecuentes del paciente ambulatoriu.

El Principáu lleva dellos años trabayando con programes PROA. Ello ye que en 2019 l’equipu del HUCA que desenvuelve’l Programa de Optimización del Usu d’Antibióticos llogró’l primer premiu nacional a la meyor publicación científica sobro la resistencia a esos fármacos. El trabayu premiáu enceta unu de los grandes desafíos de la salú pública del sieglu XXI: l’estudiu en fondura de dellos tipos de enterobacterias resistentes y cada vez más presentes nes redolaes d’atención sanitaria y na sociedá.

Rede de farmacies centinela

Mientres la xunta del Conseyu de Gobiernu tamién s’aprobó l’autorización de la firma del conveniu ente la Conseyería de Salú y el Colexu Oficial de Farmacéuticos pal desenvolvimientu de la Rede de Farmacies Centinela del Principáu. Un conveniu que va tener xuna duración de cuatro años.

– La rede contribúi a apurrir más seguridá a la población yá que, ente les sos funciones principales, ta la detección, notificación y prevención de problemes de seguridá rellacionaos col usu de melecines, productos sanitarios, cosméticos y artículos similares.

– La notificación d’erros de medicación tamién contribúi a evitar cualquier incidente prevenible que pueda causar dañu al paciente o motivar un usu desaveniente de los fármacos. Hai distintos factores qu’inflúin nesos posibles erros: la práctica profesional, los procedimientos y los sistemes. Asina, pueden detectase fallos na prescripción, comunicación, etiquetáu, envasado, denominación, preparación, dispensación, distribución, alministración, educación, siguimientu y usu de les melecines.

La detección, notificación y prevención de problemes de seguridá constitúi un oxetivu fundamental de la política sanitaria autonómica, polo que’l Principáu trabaya p’aunir esfuerzos que dexen apurrir mayor tranquilidá a la población.