El conseyeru d’Educación y Cultura del Gobiernu asturianu, Genaro Alonso, dixo esti miércoles qu’ente el so prioridaes atopa’l fomentu del usu de la llingua asturiana nos medios de comunicación, tanto públicos como privaos.
Na comisión parlamentaria celebrada na Xunta Xeneral del Principáu d’Asturies (JGPA), Alonso esplicó qu’esi impulsu del asturianu va tener «especial relevancia» en Radiar Televisión del Principáu d’Asturies (RTPA), cola emisión de programes «que dean una visión normalizada del asturianu».
El responsable de Cultura del Gobiernu asturianu esplicó que busca potenciar al máximu’l desenvolvimientu llegal de la llei de 1998 d’usu y promoción del bable asturianu, al traviés de distintes actuaciones, como la d’amontar la presencia del asturianu nel ámbitu educativu. El Principáu va asegurar la so ufierta en tolos centros sosteníos con fondos públicos, estendiendo la so presencia na educación infantil, promoviendo’l so estudiu y aprendizaxe, y diseñando campañes de matriculación. Pa ello, apuntó, va dotar a los centros educativos del personal necesario».
N’esplicando que se va aumentar la dotación presupuestaria de l’Academia de la Llingua Asturiana, de la qu’Alonso ye miembru, esplicó que se va promover l’usu del asturianu nel ámbitu institucional, tantu de l’alministración pública como de los distintos organismos del Principáu d’Asturies.