El Principáu niégase a “pasar páxina” y olvidar que l’AVE llegue a Xixón y a Avilés

belenfernandez(EUROPA PRESS) La conseyera de Fomentu, Ordenación del Territoriu y Mediu Ambiente del Principáu, Belén Fernández, resaltó esti xueves en sesión plenaria que l’Executivu asturianu negósa a “pasar páxina” y “olvidase” de que l’alta velocidá llegue a Xixón y Avilés.

“Tal paez, la del olvidu, la postura del Ministeriu, que provocó la caducidá del trámite ambiental en fase de consultes baxo la escusa d’estudiar otres alternatives o incorporar un ramal a Avilés”, criticó na so intervención ante una interpelación d’IU sobre la política en materia de tresporte ferroviariu d’Asturies a la meseta.

Asina, la conseyera insistió en que “nun hai que pasar páxina sobre esti tema, primero porque la Unión Europea dixo que la rede Transeuropea nun acaba nin en Llión nin en La Pola L.lena, sinón que tien que llegar a Xixón y a Avilés y tien que llegar cumpliendo los requerimientos del Reglamentu Européu”; y, de segundes, porque “l’austeridá y les tensiones presupuestaries qu’existen son compatibles con siguir avanzando, pues lo qu’agora se precisa son estudios informativos y proyectos, de costu insignificante nuna inversión de les proporciones de l’AVE”.

L’argumentación de la titular autonómica de Fomentu, que tuvo crítiques de los grupos de la oposición a la falta d’esixencia del Principáu, opinó con referencies tamién a la necesidá de promover la intermodalidá y calter mistu pa pasaxeros y mercancíes. La conseyera, que llamentó’l “grave paralís” del tramu Llión-La Robla, fizo mención igualmente a qu’anque se desbloquiara habría “poques posibilidaes” de tenelo en serviciu nel 2020 “perdiendo la valiosa oportunidá d’utilizar el mecanismu financieru ‘Conectar Europa’, que tien un periodu de vixencia del 2014 al 2020, con importante asignación específica pa los corredores de la rede transeuropea”.

Con too, mientres el Grupu Socialista calcó en que la responsabilidá “única y absoluto” de l’actuación ye del Estáu, Belén Fernández remarcó que lo “auténticamente prioritario” ye que l’AVE llegue a Asturies, cola puesta en serviciu los mentaos tramos y la Variante. “Céntrense ehí los esfuerzos d’inversión”, reclamó la conseyera, remarcando que nun pue olvidase la llegada de l’alta velocidá a Xixón y Avilés.

Igualmente, señaló l’interés d’Asturies en que se solvente “el ‘cuellu de botella’ de la estación de Lleón”. Asina, pide una solución global y definitiva al problema qu’implica un retrasu mediu de 20 minutos pa los pasaxeros asturianos, reconociendo que la mesma tardaría en materializase “non menos de seis años”.

“La solución transitoria nun pue ser otra que disponer a lo llargo de tool añu, a lo menos, d’algún serviciu diariu adicional, día y vuelta, sin parada en Lleón ente Asturies-Madrid. La respuesta d’un directu en díes alternos, en cada sentíu, anunciáu’l pasada fin de selmana, ye un pequeñu pasu pero manifiestamente insuficiente”, consideró.