El Conseyu de Gobiernu autorizó un gastu de 500.000 euros pal financiamientu de proyectos d’investigación, desenvolvimientu ya innovación (I+D+i) d’empreses asturianes en cooperación internacional, nel marcu de la convocatoria pública de subvenciones Yera-Net Manunet. Nesta llínea d’ayudes promovida pola Unión Europea participa l’Institutu de Desenvolvimientu Económicu del Principáu d’Asturies (IDEPA), dependiente de la Conseyería d’Economía y Empléu.
Estes subvenciones pretenden favorecer la participación d’empreses asturianes en proyectos d’I+D+i transnacionales nel campu de la fabricación y los procesos avanzaos. Trátase, poro, de internacionalizar la I+D+i, especialmente en pymes, en determinaes temes qu’el IDEPA considera d’especial interés p’Asturies.
Les acciones subvencionables van ser proyectos d’investigación industrial o de desenvolvimientu esperimental que s’executen pal sector manufacturero.
La convocatoria de 2013 de Manunet dexó la participación de seis proyecto asturianos en consorcios internacionales d’I+D. La inversión total nestos programes foi de 1.288.330 euros; la inversión subvencionable xubió a 1.035.171 euros y la subvención concedida foi de 612.150 euros.