Asturies abonará a Cantabria una cuota trimestral pol saniamientu de les ríes de Tina Mayor y Tina Menor

fotonoticia_20140613104916_800(EUROPA PRESS) El plenu de la Xunta Xeneral del Principáu d’Asturies autorizó esti vienres al Gobiernu del Principáu que soscriba un conveniu col gobiernu de Cantabria pa regular que’l tratamientu de los vertíos de Bustio, nel conceyu asturianu de Ribedeva, se depuren nel sistema de saneamientu cántabru de Tina Mayor. Pa ello, el Gobiernu asturianu comprométese a pagar a Cantabria una cuota trimestral.

La cifra a pagar va ser la resultante, según consta nel conveniu, de multiplicar los volumes d’agües residuales procedentes de los núcleos asturianos conectaos al sistema de saniamientu de les ríes de Tina Mayor y Tina Menor nel trimestre anterior pola tarifa vixente vinculada a los usos domésticos del canon de saniamientu cántabru. Según les primeres estimaciones del Gobiernu asturianu, la cifra a pagar sería d’unos 12.000 euros añales.

Too ello sin perxuiciu de los cambios nes tarifes que puean producise darréu nel citáu canon, sin necesidá de celebrar un nuevu conveniu ente les partes. Asturies va instalar un dispositivu de control de caudal del vertíu al sistema, mientres que Cantabria, al traviés de l’Axencia Cántabra d’Alministración Tributaria, va practicar trimestralmente la oportuna liquidación a la vista de los volumes arramaos.

Nel casu de que la tipoloxía de los vertíos difiriera de los usos domésticos actuales, ábrese la puerta a que Cantabria puea revisar la tarifa d’aplicación. Pa la interpretación del conveniu y el so puru créase amás una comisión de siguimientu.

Esta collaboración reflexóse nun protocolu de collaboración que soscribieron nel 2004 los gobiernos d’Asturies y Cantabria col fin de coordinar la xestión de los sistemes de depuración. Per mediu d’esti acuerdu, Cantabria va depurar les agües residuales de Bustio y Asturies va abonar a l’alministración autonómica cántabra una cuota en conceutu de tratamientu na estación depuradora de Tina Mayor