(EUROPA PRESS) L’aerollinia Air Europa nun confirmó nin desmintió al Gobiernu asturianu la so posible intención d’atayar el so vuelu Asturies-Madrid, como esti xueves publica la prensa asturiana. Responsables de la compañía reuniránse esti llunes en Madrid col director xeneral de Turismu, Julio Zapico, pa tratar l’asuntu.
Asina lo señaló en declaraciones a los medios el conseyeru d’Industria, Graciano Torre, que prefirió esperar a que se produza esti alcuentru pa emitir dalguna opinión al respecto del asuntu.
El conseyeru esplicó qu’acabantes de tener constancia de la noticia punxéronse en contactu colos responsables d’Air Europa, que «nun mos confirmaron nin desconfirmaron», señaló. «El llunes pela mañana va haber reunión formal en Madrid ente’l director xeneral de Turismu y los responsables de la compañía, y a partir d’ehí vamos poder falar», añadió.
Preguntáu poles posibles causes, en casu de confirmase la cancelación de vuelos, que fairíen referencia a l’axudicación a Iberia del contratu de promoción d’Asturies, el conseyeru tamién se remmitió a la xunta d’esti llunes pa «dicir yá con precisión lo qu’haya al respecto».