El Conseyeru de Presidencia, Guillermo Martínez, aumentó l’alerta pola quema forestal de Degaña declaráu esti martes pela tarde. Martínez activó, a les 11.02 hores, el nivel 1 del Plan de Protección Civil d’Emerxencia por Quemes Forestales del Principáu (Infopa).

Nun comunicáu del SEPA esplicóse que s’activó’l nivel 1 pa la quema forestal poles especiales característiques orográfiques de la zona y el so altu valor ecolóxicu y medioambiental».

Coles mesmes, solicitóse al Ministeriu d’Agricultura y Mediu Ambiente la unviada d’otra brigada de refuerzu de quemes forestales, que ta previstu que sía la Brigada de Refuerzu contra Quemes Forestales (Brif) Lubia de Soria. Caltiense la Situación 0 del Infopa pal suroccidente asturianu.

Esti nivel actívase cuando se preve que la posible evolución de la quema pueda precisar la puesta en práctica de midíes pa la protección de les persones y los bienes que puedan trate amenaciaos pol fueu, según el Plan Infopa consultáu per Europa Press.