El Gobiernu d’Asturies caltien el so compromisu d’ufiertar tresporte gratuitu a los alumnos de Degaña que cursen Bachilleratu nel Institutu d’Educación Secundaria Obligatoria de Cangas, un compromisu que s’estiende tamién a los estudiantes de Ibias y Ayande que s’atopen na mesma situación.
El conseyeru d’Educación y Cultura, Genaro Alonso, qu’ayeri caltuvo una xunta col alcalde de Degaña, José María Álvarez, y l’alcaldesa de Ibias, Silvia Méndez, esplicó que’l Principáu va afaer l’actual normativa reguladora del tresporte, una vegada apruébese’l Plan Especial del Suroccidente, por que estos alumnos puedan solicitar ayudes individualizaes, que se van abonar con calter retroactivu, de manera que cubran tol cursu.
La cuantía d’estes ayudes va dexar cubrir el costu completu del serviciu de tresporte hasta l’institutu de Cangas.
Dica agora, el Consorciu de Tresportes d’Asturies (CTA) yá punxo en marcha güei un serviciu de llínea regular que cubre les necesidaes de tresporte d’estos estudiantes que, pel momento, van abonar el costu del billete. Sicasí, en cuanto modifíquese la normativa actual, se -yos reintegrarán tolos gastos.
