(EUROPA PRESS) El voceru del Gobiernu y conseyeru de Presidencia, Guillermo Martínez, refirióse esti miércoles a la sentencia del TSXA qu’anula l’ERE extintivu pa 38 de los 59 trabayadores de la empresa Sedes ya indicó que tres la mesma «nun cambia la complicada situación económica sinón que probablemente s’agrave».
Nesti sen Martínez xustificó la presentación del ERE, dado qu’indicó que la situación financiera ye «exaxeradamente complicada, productu d’una drástica baxada de l’actividá, lo que fai que les perspectives seyan bien complicaes».
Indicó que’l llunes reuniráse’l Conseyu d’Alministración, que va ser el que tome les decisiones oportunes acordes con esa complicada situación. El conseyeru indicó que nun hai qu’olvidar que SEDES tamién tien participación privada, ya insistió en que les decisiones adoptaes taben condicionaes pola difícil situación financiera desaxeradamente complicada.
El Tribunal Superior de Xusticia d’Asturies (TSXA) declaró nula la decisión estintiva y el derechu de los trabayadores afectaos a la reincorporación de los sos puestos de trabayu de la empresa Sedes.
Ésta ye la segunda vez que los tribunales dan la razón a los trabayadores de la empresa publica, na que’l Principáu controla’l 60% de les acciones, dao que nel 2012, llévose alantre un ERE para 47 trabayadores qu’una vez impugnáu tamién anuló’l TSXA.
Martínez insistió en que ye la situación financiera de Sedes la qu’obligó a tomar les decisiones que se tomaron y va ser el Conseyu d’Alministración el que’l llunes determine l’actuación a siguir.