(EUROPA PRESS) L’actor estaounidense Eli Wallach, qu’interpretó, ente otros munchos papeles, el de Tuco, el ‘feu’ de la película cinematográfica ‘El bueno, el feu y el malo’, morrió esti martes a los 98 años d’edá, según confirmó la so fía Katherine al diariu ‘The New York Times’.
El polifacéticu actor foi ún de los intérpretes más prolíficos del cine norteamericanu, con papeles en cintes como ‘Los siete magníficos’, ‘Baby Doll’, ‘Lord Jim’, ‘Vidas rebeldes’, la tercera entrega de ‘El Padrino’ y ‘Mystic River’, ente otros títulos.
A pesar de la so dilatada carrera como actor, nunca lu nominaron pa un Óscar poles sos interpretaciones hasta que nel 2010 l’Academia de Cine concedió-y l’Óscar honoríficu en reconocencia a tola so trayectoria, po ser «un camaleón por antonomasia y pola so facilidá pa interpretar toa una serie de papeles poniendo’l so mundial sellu en cada interpretación».
Wallach, que foi ún de los pocos neños xudíos nun barriu con mayoría d’italoamericanos en Brooklyn, Nueva York, empezó la so carrera intepretando papeles d’italianos. Nació’l 7 d’avientu de 1915 del matrimoniu formáu por Abraham Wallach y Berta Schorr.
En graduándose nun institutu de Brooklyn, decidió estudiar na Universidá d’Austin, en Texas, porque ellí la matrícula yera más barata. Cuando acabó la so carrera, tornó a Nueva York pa tornar en profesor pero empezó a estudiar interpretación, el que sería’l so oficiu definitivu.
Ún de los sos últimos papeles cinematográficos interpretólos nel 2010 na película ‘Wall Street: El dinero nunca duerme’.
