(EUROPA PRESS) El secretariu d’Estáu de Facienda, Miguel Ferre, indicó que, con datos del 2012, el 80% de les indemnizaciones por despidu van quedar exentes del pagu del IRPF, dao que la mayor parte de los despidíos cobren menos de 20.000 euros al añu, el sueldu que se correspuende coles indemnizaciones exentes, acordies cola reforma fiscal que prepara’l Gobiernu.
Ferre afirmó, en declaraciones a TVE recoyíes por Europa Press, que según estos datos namás una «parte amenorgada» de les indemnizaciones por despidu van tener que tributar por IRPF, y añadió qu’esta midida trata d’introducir «neutralidá» nel sistema tributariu, puesto que esti añu nun había nenguna razón de xusticia tributaria pa qu’altes indemnizaciones por despidu van quedar exentes del IRPF.
«¿Por qué un tipu de renta ha tar exenta o non? En cantidaes pequeñes creemos que sí, ¿pero ta xustificao que toos paguemos la exención de les indemnizaciones nel IRPF en salíes voluntaries de relaciones llaborales que se camuflaron como despidos improcedentes pa que l’efectu netu nes persona despidida fuera mayor? Eso terminamos pagándolo toos», repitió.
Argumentos asemeyaos emplegó pa xustificar la desapaición de la deducción por alquiler. Na so opinión, ye cuestionable qu’haya midíes «concretes y aislaes qu’afecten a unos pocos» en llugar de tener baxaes d’impuestos pa toos, y preguntóse por qué hai que tener situaciones tributaries «bien beneficioses» p’algunos, cuando lo que se tien que facer ye una rebaxa d’impuestos pal conxuntu de los contribuyentes.
Sobre la llenda de les aportaciones máximes a los planes de pensiones, que se retayaron hasta los 8.000 euros añales, Ferre afirmó que, pese a que’l Gobiernu cree que tien que favorecer fiscalmente l’aforru al llargu plazu, llendáronse estes aportaciones pa que’l nivel de contribuyentes qu’aportaben más de 8.000 euros al añu correspuende a sueldos bien altos.
«Nun taba xustificao que tolos contribuyentes paguemos qu’unos sueldos bien altos faigan unos planes de pensiones. Poro, reservámoslo pa da-y mayor progresividá al sistema y, amás, la mesma Comisión asina nos lo pidiera, porque consideraba que’l modelu actual yera regresivu», aseguró.
