(EUROPA PRESS) L’alcaldesa de Castrillón y eurodiputada d’IU, Ángela Vallina, va presentar oficialmente la so dimisión como alcaldesa’l próximu 14 de xunu nun plenu estraordinariu. Nel mesmu ta previsto que s’escueya al nuevu primer edil del conceyu, tal como esplicó esti llunes a los periodistes la mesma Vallina, que’l pasáu 25 de mayu salió escoyida europarlamentaria.
L’alcaldesa d’IU indicó que taben a la espera de recibir un informe xurídicu que confirmara la posibilidá de xestionar el mesmu día la so dimisión y l’elección del nuevu alcalde. Asina, ta previsto que se tomen les sos decisiones de manera consecutiva.
La candidata d’IU a l’alcaldía va ser Yasmina Triguero, actual conceyala de Facienda. Pela so parte, dende’l PP yá anunciaron qu’el so voceru, Jesús Pablo González Nuevo-Quiñones, tamién va presentar la so propuesta y Foru dixo que va apoyar al ‘popular’. Sicasí precisaríen tamién l’apoyu del PSOE para desbancar a IU del gobiernu de Castrillón.
Vallina restó importancia al apoyu de Foru al candidatu del PP «a un añu de les elecciones». «Son coses de Foru de Castrillón», dixo, recordando qu’en casu que nengún de los dos candidatos algame mayoría abondo d’apoyos va escoyese como alcalde al representante de la llista más votada nes anteriores elecciones municipales, que fuera IU.
