(EUROPAPRESS) La Sala de lo Contencioso-Alministrativo del Tribunal Supremu avaló esti xueves la decisión del Gobiernu de refugar el pidimientu d’indultu pa María del Carmen García, la muyer que quemó vivu al violador de la so fía nel 2005 en Benejúzar (Alicante).
La muyer ingresó’l pasáu 8 de mayu en prisión dempués de que l’Audiencia Provincial d’Alicante refugara dexar en suspensu la condena a cinco años y mediu de cárcel. El Gobiernu refugara esti primer pidimientu d’indultu n’abril del pasáu añu, polo que la muyer yá cumple la pena de cinco años y mediu que-y impunxo’l Tribunal Supremu por asesinatu y lesiones.
Al considerar la posible suspensión de la so condena, l’Audiencia d’Alicante señaló que’l trestornu de la personalidá qu’alegó la condergada pa nun entrar en prisión «nun torga la execución de la pena privativa de llibertá, pues nin ye un carecimientu incurable nin se xustificó que la enfermedá que carez puoe vese agravada o d’imposible tratamientu en prisión».
Añadía esti tribunal que, la muyer, pa la que solicitaron l’indultu una ventena d’entidaes y asociaciones alicantines, nun taba nuna situación que puea considerase de «enfermedá bien grave con sufrimientos incurables» que-y torgaren cumplir la so pena. El Supremu yá rebaxara en trés años y mediu la condena inicial que se-y impunxo, que yera de 9 años.
