La Conseyería de Desenvolvimientu Rural destina 800.995 euros a la concesión de subvenciones para favorecer la diversificación económica na zona costera. Los grupos d’acción local de la pesca van ser los encargaos de xestionar estos fondos.
El Conseyu de Gobiernu yá autorizó’l gastu, que s’estrema en dos añalidaes: 345.693 euros van executase anguaño y 455.301, en 2020.
D’esta partida global, la mayor cuantía dirá subvencionar proyectos d’empreses privaes, un total de 405.632 euros, ente que 216.487 van destinar a entidaes públiques locales y otros 178.874 a entidaes ensin ánimu d’arriquecimientu.
Los proyectos que se presenten tienen d’afaese a les midíes establecíes per cada grupu na so estratexa de desenvolvimientu local participativu, que pueden tar venceyaes, ente otres midíes, a la xeneración d’empléu, la diversificación de rentes, la protección del patrimoniu pesqueru, la sostenibilidá ambiental de les pesquerías, la meyora de la competitividá y l’alquisición de conocencies.