Connect with us

Destacadas

40 edición de la Selmana de les Lletres Asturianes

Publicado

el

Esti añu celébrase la 40 edición de la Selmana de les Lletres Asturianes, que va dar protagonismu a la música asturiana de los últimos 40 años. La Conseyería d’Educación y Cultura considera que’l llabor de la xente de la música en favor de la normalización llingüística ye un fechu destacable que merez el reconocimientu institucional y popular.

Dende’l día 26 d’abril al 9 de mayu van desarrollase delles actividaes repartíes pela xeografía asturiana: talleres, esposiciones, homenaxes, presentaciones de llibros, llectures públiques, certámenes y concursos lliterarios, alcuentros escolares, entregues de premios, conciertos, representaciones teatrales, etc.

La Selmana entama’l vienres 26 d’abril, col actu inaugural, a les siete de la mañana, na escuela de Llorgozana (Carreño), del Alba de les Lletres Asturianes. Esi mesmu día, a les 20:00 h, nel Teatru Nuevu de La Felguera (Llangréu), va facese la gala del XI Premiu al Meyor Cantar.

A lo llargo de la XL Selmana, nos conceyos de Ribeseya, Siero, Uviéu, Corvera, Grau, Xixón, Avilés y Tapia, van dir desarrollándose les actividaes que componen el programa. Nel Día del Llibru Asturianu, el vienres 4 de mayu, les persones que merquen llibros o discos n’asturianu o gallego-asturianu van recibir de regalu un cedé doble con una escoyeta de 40 cantares representativos de la historia de la música nestes llingües.

La Conseyería d’Educación y Cultura quier festexar y facer un homenaxe ala música y a les lletres asturianes descentralizando la organización y desarrollu de los actos en collaboración con instituciones y entidaes como la Xunta Xeneral del Principáu, l’Institutu Asturianu de la Muyer y Polítiques de Mocedá, la Fundación Aula de les Metáfores, Llaboral Ciudá de la Cultura y dellos Conceyos.

Advertisement

LO MÁS VISTO !!