{"id":1074489,"date":"2020-08-30T13:28:03","date_gmt":"2020-08-30T11:28:03","guid":{"rendered":"https:\/\/www.eldigitaldeasturias.com\/noticias\/?p=1074489"},"modified":"2022-02-08T21:13:02","modified_gmt":"2022-02-08T20:13:02","slug":"covid-19-el-principau-intensifica-la-vixilancia-nos-conceyos-nalerta-naranxa","status":"publish","type":"post","link":"https:\/\/www.eldigitaldeasturias.com\/noticias\/covid-19-el-principau-intensifica-la-vixilancia-nos-conceyos-nalerta-naranxa\/","title":{"rendered":"Covid-19: El Princip\u00e1u intensifica la vixilancia nos conceyos n’alerta naranxa"},"content":{"rendered":"

\"\"La Conseyer\u00eda de Sal\u00fa intensific\u00f3 la vixilancia nos cinco conceyos del Oriente n’alerta naranxa priorizando la protecci\u00f3n de la poblaci\u00f3n m\u00e1s vulnerable. Dende’l pas\u00e1u martes realiz\u00f3se’l pener\u00e1u con PCR a 320 profesionales sociosanitarios d’ocho centros residenciales de mayores y de discapacid\u00e1, ensin que se detectaren enagora casos positivos. Esta campa\u00f1a va estender hasta’l pr\u00f3ximu martes n’otros tr\u00e9s dispositivos de la citada zona.<\/p>\n

La situaci\u00f3n d’alerta naranxa tien como finalid\u00e1 alvertir que la evoluci\u00f3n epidemiol\u00f3xica ye desfavorable y, por ello, resulta necesariu cumplir les mid\u00edes sanitaries vixentes nel nuesu territoriu y evitar mid\u00edes m\u00e1s dr\u00e1stiques como zarros perimetrales o confinamientos.<\/p>\n

N’ese sent\u00edu, l’Axencia de Segurid\u00e1 Alimentaria, Sanid\u00e1 Ambiental y Consumu empez\u00f3 esti vienres les inspecciones espec\u00edfiques sobro les mid\u00edes de prevenci\u00f3n de la covid-19 qu’afecten a 16 establecimientos d’alimentaci\u00f3n y hosteler\u00eda del Oriente rellacionaos con casos positivos.<\/p>\n

El comit\u00e9 de siguimientu de la evoluci\u00f3n epidemiol\u00f3xica foi inform\u00e1u d’estes mid\u00edes na xunta del pas\u00e1u vienres. Am\u00e1s, les autoridaes sanitaries piden a la poblaci\u00f3n y visitantes de la zona qu’estremen les mid\u00edes de protecci\u00f3n y prevenci\u00f3n conoc\u00edes como les 3 M (llav\u00e1u de manos, metros de distancia y m\u00e1zcaros), evitando les aglomeraciones y les situaciones de riesgu, polo que se pide un comportamientu exemplar y estricto de la normativa.<\/p>\n

Dende’l pas\u00e1u 1 de xunetu, la \u00e1rea sanitaria VI, que correspuende al Oriente, rexistr\u00f3 66 vecinos arimaos por coronavirus ensin cuntar colos visitantes que contraxeron la enfermed\u00e1 mientres la so estancia vacacional na contorna. D’ellos, 60 moren nos cinco conceyos n’alerta naranxa.<\/p>\n

Llanes ye’l conceyu con m\u00e1s afectaci\u00f3n ente los sos habitantes, con 22 positivos, sigu\u00edu de Parres con 19 y Cabrales con 9. Ribesella y Cangues d’On\u00eds tienen 5 casos cada unu a fecha de g\u00fcei. Am\u00e1s, el Serviciu de Vixilancia Epidemiol\u00f3xica identific\u00f3 xuna media de cuatro contactos estrechos per cada andada en dicha zona.<\/p>\n

Al respective de la evoluci\u00f3n de la pandemia, el Serviciu de Vixilancia Epidemiol\u00f3xica confirm\u00f3 31 nuevos positivos correspondientes al d\u00eda d’ayeri. Tolos afectaos presenten sintomatolox\u00eda leve y permanecen aisllaos nes sos cases, sacante una persona que precis\u00f3 ingresu hospitalariu.<\/p>\n

El Serviciu de Vixilancia Epidemiol\u00f3xica sigue colos estudios de contactos pa establecer el venceyu epidemiol\u00f3xicu de toos ellos. La mayor\u00eda tienen relaci\u00f3n con casos conoc\u00edos o con estancies fora d’Asturies.<\/p>\n

Encamientos<\/h2>\n

La Conseyer\u00eda de Sal\u00fa encamienta a los ciudadanos consideraos contactos estrechos o que t\u00e1n esperando la resultancia d’una prueba PCR a acutar la so vida social y guardar rigorosamente la cuarentena pa evitar la trasmisi\u00f3n del virus.<\/p>\n

Am\u00e1s, les autoridaes sanitaries recuerden que ye obligatoriu l’usu del m\u00e1zcaru pa mayores de seis a\u00f1os nes v\u00edes p\u00fabliques y espacios al campu, en cualquier espaciu zarr\u00e1u d’usu p\u00fablicu o que s’atope abiertu al p\u00fablicu. Tami\u00e9n ye preceptivu’l so usu nos medios de tresporte p\u00fablicos y privaos, nesti \u00faltimu casu cuando los ocupantes nun convivan.<\/p>\n

Am\u00e1s, la llavadura frecuente de les manos y caltener una distancia interpersonal de, siquier, un metro y mediu con persones coles que nun se convive son otres de les mid\u00edes imprescindibles pa evitar les andaes.<\/p>\n","protected":false},"excerpt":{"rendered":"

La Conseyer\u00eda de Sal\u00fa intensific\u00f3 la vixilancia nos cinco conceyos del Oriente n’alerta naranxa priorizando la protecci\u00f3n de la poblaci\u00f3n m\u00e1s vulnerable. Dende’l pas\u00e1u martes realiz\u00f3se’l pener\u00e1u con PCR a 320 profesionales sociosanitarios d’ocho centros residenciales de mayores y de discapacid\u00e1, ensin que se detectaren enagora casos positivos. Esta campa\u00f1a va estender hasta’l pr\u00f3ximu martes […]<\/p>\n","protected":false},"author":1,"featured_media":1069994,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[12],"tags":[],"class_list":["post-1074489","post","type-post","status-publish","format-standard","has-post-thumbnail","hentry","category-actualidad-asturias"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t