El Gobiernu d’Asturies aprobó la prórroga del contratu de los servicios aéreos del Sepa con un costu de 9,75 millones en favor de la unión temporal d’empreses COYOTAIR-TAF. Esti contratu pon a disposición del Principáu trés helicópteros con tripulación, unu d’ellos destináu a rescate y tresllaos sanitarios y dos a la llucha contra quemes forestales
En 2017, los medios aéreos adscritos al Sepa realizaron 694 salíes, un 19,04% más que l’añu anterior, y algamaron les 1.160 hores de vuelu, una medría del 47,81% al respective de 2016.
De la cifra total de salíes, 310 (44,6%) correspondieron a intervenciones por quemes forestales nes que se realizaron 5.613 descargues d’agua, que representen un volume de 50.417 llitros. Coles mesmes, llevar a cabu 22 rastrexos aéreos, 27 rescates y trés salíes por accidentes.