L’Hospital Universitariu Central d’Asturies (HUCA) va tar llistu y forníu p’acoyer los cursos clínicos de la Facultá de Medicina nel entamu del cursu universitariu previstu pal próximu día 9 de setiembre. Asina lo aseguró güei el conseyeru de Sanidá, Faustino Blanco, en visitando la área docente del HUCA en compañía del decanu de la Facultá de Medicina, Alfonso López Muñiz; el vicedecano, José Luis Llorente, y el secretariu Juan Argüelles.
“Tenemos que treslladar un mensaxe de tranquilidá ensin baxar la guardia y constatemos que vamos poder cumplir les feches, ensin dala dulda”, aseguró’l conseyeru al términu de la visita a unes instalaciones que van acoyer tolos cursos clínicos de les titulaciones de la Universidá d’Uviéu rellacionaes coles ciencies de la salú.
Blanco destacó que, a quince díes del empiezu del cursu, “ye satisfactoriu constatar que toa marcha a bon ritmu” y que “la programación ta cumpliéndose”. Na so opinión, l’espaciu docente del HUCA “ye magníficu” y va tener les aules, los seminarios y les instalaciones fayadices pa l’actividá docente y de formación pensando nel modelu Bolonia.
En concretu, la área universitaria del HUCA cunta con una dotación de cuatro aules divisibles (con capacidá p’allugar ente 70 y más de 150 alumnos caúna), aules sencielles, once seminario (con capacidaes ente 21 y 48 alumnos), amás de biblioteca, sala d’estudiu, comedor pa estudiantes y sales de trabayu. Tou ello conforma unu de los espacios más singulares de too el centru hospitalariu so una gran bóveda que dexa apigurar en dos llantes toles actividaes universitaries.
Amás, l’hospital va tener una área propia de docencia que cunta con un salón d’actos de 450 places y diverses sales más con una capacidá global de más de 276 places que pueden destinase a la formación y la docencia del HUCA y p’usu xeneral.
Polo que se refier a la parada técnica programada pa la pasada madrugada del sistema informáticu Millennium, el programa qu’empresta serviciu al HUCA, Faustino Blanco considerar normal, yá que ye una actuación habitual en tolos sistemes informáticos pa grabar datos y producir meyores y ye tamién la constatación de que “Millennium yá ta nun ritmu de trabayu normalizáu pal periodu trescurríu”.