La iniciativa Dos Profes n’apuros, puesta en marcha por dos maestres y una ilustradora, va publicar una versión n’asturianu de l’Axenda pa Profes n’apuros, un documentu de trabayu destináu a facilitar el llabor docente.
L’Axenda yá esista en castellán, catalán ya inglés. La so descarga ta disponible na páxina web de Dos Profes n’apuros. Agora, según espliquen les responsables de la iniciativa, decidieron sacar la traducción en euskera, gallegu y asturianu pol ensame de pidimientos que recibieron y tres l’ésitu de descargues xeneráu poles trés primeres versiones.
Nestos momentos ta abierta una iniciativa en Verkami pa la recaldación de fondos, col fin de poder sacar alantre los seis versiones en papel, y non solo nel so formatu dixital. Precisen 6.500 euros.
L’axenda consta d’aprosimao 100 páxines en Din A4 con espiral. Inclúi «tou lo qu’un profe precisa mientres el cursu pa tar lo menos apurao posible», señalen el promotores: Fueyes de contactos; Plantiyes d’horarios; Cumpleaños; Tutoríes; Observaciones; Calendariu añal; Axenda selmana vista; Plantiyes d’evaluaciones; Checklists; Notes; «Pegatinas molonas».
Una parte de la recaldación de la vienta d’axendes destinar a la organización humanitaria Save de Children.