Connect with us

Noticies

La receta electrónica empieza a funcionar na área sanitaria d’Uviéu

Publicado

el

2014_09_23 Receta sanitariaLos dieciocho centros de salú y los cuarenta y un consultorios periféricos de la área sanitaria IV, con cabecera n’Uviéu, empecipien esti martes 23 de setiembre’l sistema de receta electrónica, qu’empezó a funcionar güei en Pola de Siero y que va rematar a finales de noviembre nel centru de salú de Pumarín.

El director xeneral de Planificación, Ordenación ya Innovación Sanitaria, Mario Margolles, asistió en Siero a la emisión de la primer receta. Ellí, acompañáu de los responsables del proyectu, esplicó que’l nuevu sistema, más cómodu y seguro, va beneficiar a total de 340.000 habitantes nesta área sanitaria, que cuando alleguen al médicu van recibir una fueya de tratamientu que recueye toos les melecines que se -y recetan pa un periodu de tiempu determináu, amás de la dosis y de la pauta d’alministración de los fármacos.

La implantación de la receta electrónica empezó n’Asturies el pasáu 16 d’abril de 2013 y anguaño suma yá más de 3,7 millones de dispensaciones y da serviciu a una población de más de 720.000 asturianos. Una vegada rematáu l’esplegue na área d’Uviéu, va tar enllantada en tolos centros de salú y consultorios periféricos del Principáu d’Asturies. La dispensación yá ta activa en toles oficines de farmacia d’Asturies.

El sistema dexó identificar a más de 24.000 pacientes que nun tuvieron que siguir pagando por retirar los sos fármacos una vegada algamáu’l so máximu de copago mensual, colo que l’Alministración autonómica tamién evita les devoluciones.

Ventayes pa ciudadanos, médicos y farmacéuticos

La solución supon ventayes pa los profesionales sanitarios y pa los ciudadanos, especialmente enfermos crónicos y los sos familiares, que pueden retirar les melecines na farmacia presentando la tarxeta sanitaria, ensin necesidá d’allegar repetidamente al centru de salú pa llograr la receta.

Pa retirar la medicación de la farmacia, la primer vegada disponer de 10 díes pa recoyer un envase de cada melecina. Darréu, la retirada realízase a midida que vanse acabando, una y bones la validez que tien na farmacia nun caduca hasta la fecha de revisión, nel casu de crónicos, o de la finalización del tratamientu, nel casu de la medicación de procesos agudos o a demanda.

D’esta miente, los ciudadanos reciben una atención sanitaria de mayor calidá, yá que el so médicu puede evaluar con más precisión l’adherencia a los tratamientos y realizar un meyor siguimientu del so historial farmacolóxicu.

Los farmacéuticos, qu’apuerten al sistema al traviés de la so firma electrónica, pueden consultar qué melecines tán tomando los pacientes, con qué frecuencia y mientres cuánto tiempu fuéron-yos recetados. De la mesma manera, los médicos pueden ver nel sistema qué medicines fueron retiraes polos sos pacientes.

Advertisement

Es Noticia

LO MÁS VISTO !!