Izquierda Xunida va persistir na so denuncia de les turbies relaciones qu’envolubren el proyectu del Gobiernu de Mariano Rajoy de privatizar el Rexistru Civil, que la so xestión sería asumida polos Rexistradores Mercantiles, un pequeñu colectivu qu’arrexunta a pocu más de 1.000 funcionarios -ente ellos el presidente del PP y del Gobiernu, pero que, sicasí, nun cobren del Estáu sinón directamente de la ciudadanía ensin que, hasta agora, escláriese cualos son los sos ingresos brutos por arancel y que, según diverses fontes suponen, en munchos casos, pa un mes, el salariu que percibiríen otros funcionarios de Carrera como xueces mientres un añu.
El diputáu nacional Gaspar Llamazares, y el senador per Asturies, Jesús Iglesias, aportunaron esta mañana na necesidá de desentrañar el nuevu modelu de funcionamientu del Rexistru Civil y, al tiempu, echar la recuarta a l’actividá de el rexistradores mercantiles pa dar tresparencia a una función pública que vive casi de llombu al Estáu, salvu na oposición pa la plaza.
Gaspar Llamazares esixó al Gobiernu qu’esclarie la so posición al respective de la privatización del Rexistru Civil, daqué perimportante al so xuiciu, porque «porque afecta a la intimidá de los ciudadanos, porque amás afecta a más de 4.000 funcionarios». El diputáu d’IX sollertó de la opacidá d’un procesu nel que, dixo, «podemos atopanos ante unes turbies relaciones ente’l rexistru ya intereses desconocíos»
Al respective de los salarios de el rexistradores, Jesús Iglesias señaló que la escasa o nula información: «sabemos que tienen unos ingresos cuantiosos pero que naide, en realidá, puede nin siquiamente averase a lo que signifiquen, con calter global nel conxuntu del Estáu».
Y ye que’l funcionamientu de el rexistradores mercantiles a los qu’agora se quier ampliar competencies cola asignación de la xestión del Rexistru Civil, ye una anomalía na prestación de servicios públicos yá que, a pesar de ser funcionarios, con plaza en propiedá, nun son remunerados pol Estáu, sinón que son el so veceros quien lu faen, nun modelu «cautivo», una y bones la ciudadanía nun puede escoyer rexistru, tando adscritu al que-y correspuende en cada momentu.
«Son una especie de funcionarios ente comillas bien peculiares cuidao que apuerten a la plaza al traviés d’un procesu d’oposición –eso ye no único que realmente apaecen como funcionariu, más allá de desenvolver una actividá propia de les alministraciones públiques- pero a partir d’esi momentu, de sacar la plaza, dexen de ser tales, entrín y non, los ingresos que perciben nun ye la remuneración que paguen les alministraciones públiques a los funcionarios, sinón lo que reciben de los sos veceros, de los ciudadanos que tienen qu’allegar a realizar les acciones rexistrales correspondientes y que, amás, facer ensin poder escoyer a qué rexistru han d’allegar: van al rexistru que los toca, que-yos correspuenda. Nun hai nenguna posibilidá de llibre concurrencia», esplicó’l Senador.
Iglesias describió al colectivu como sector que conxuga lo meyor de ser un trabayador del Estáu y lo meyor de les actividaes codaloses: «tien lo meyor de la función pública, de l’alministración, que ye tener garantizáu’l trabayu, garantizada la vecería, y lo meyor de l’actividá privada, que ye tener unos ingresos bien percima, doblando, triplicando, cuadruplicando, sextuplicando, la meyor remuneración dientro de los funcionarios, dientro de les alministraciones públiques». Pal Senador, esta situación especial topeta cola tresparencia na función pública, yá que, a pesar de ser funcionarios, la opacidá ye total. Iglesias presentó apocayá una entruga na Cámara Alta por que’l Gobiernu esclarie cuál ye la percepción bruta por arancel -los ingresos reales de el rexistradores- y que, hasta la fecha, son desconocíos.
Ayeri mesmu, Izquierda Xunida denunciaba les turbies relaciones que se detectaron nos procesos d’ampliación de competencies de el Rexistradores Mercantiles, con contratos millonarios por precios cimeros a los de mercáu, según lo que paez un conflictu d’intereses ente altos cargos del Ministeriu de Xusticia encargaos del pilotaje del cambéu de modelu y que tamién seríen rexistradores mercantiles, como’l mesmu presidente del Gobiernu d’España.