La directora xeneral de Vivienda, Ana Rivas, participó güei nel sortéu d’ocho viviendes públiques d’arriendu en Siero. El Principáu invirtió casi 19.500 euros nel arreglu d’estos pisos, siete d’ellos allugaos n’El Berrón y unu na capital del conceyu.
Les viviendes tienen una superficie útil d’ente 34,64 y 84,28 metros cuadraos y cunten con unu, trés o cuatro dormitorio. Toes disponen de trasteru.
El sortéu realizóse ente les 59 solicitúes almitíes del total de 82 presentaes. L’arriendu va afacer a les circunstancies económiques de les families axudicataries.
A propuesta del Conceyu de Siero, establecióse reserva de cupos de vivienda pa colectivos preferentes, concretamente, dos pa families afectaes por procesos d’execución hipotecaria, dos pa persones con menores al so cargu, trés pa mayores de 65 años y una pa solicitantes con dalgún tipu de llimitación física de movilidá y menores al so cargu. Pa esti últimu casu acondicionóse una de les viviendes d’El Berrón, con 80,51 metros cuadraos y tres dormitorio.