La directora xeneral de Vivienda, Ana Rivas, y el xerente de Vipasa, Jesús García, apurrieron güei en La Ribera les llaves de 16 viviendes de promoción pública (VPP) del Principáu d’Asturies p’arriendu.
La promoción, na que’l Gobiernu asturianu invirtió 1.560.000 euros, ta formada por 16 viviendes unifamiliares adosaes n’agrupaciones de cuatro, que consten de planta baxa y primer. Dolce d’elles tienen tres dormitorio y una superficie útil de 78,50 metros cuadraos, ente que los cuatro restantes disponen de cuatro habitaciones y 89,79 metros cuadraos. Toles viviendes cunten con un patiu xardín venceyáu, calefacción individual con caldera de gas natural y carpintería esterior d’aluminiu lacado ya interior de madera.
Pa l’axudicación de los cases establecieron cupos de reserva según ingresos, en concretu once viviendes pa persones con ingresos hasta 0,8 vegaes el IPREM, dos pa ingresos ente 0,8 y 1,5, y trés pa los que tengan ente 1,5 y 3 vegaes.
La renta inicial, que depende de la superficie útil de les viviendes, va afacer a les circunstancies económiques de cada familia axudicataria. A la convocatoria p’aportar a estes viviendes presentáronse 51 solicitúes, de les que fueron almitíes 34.