La conseyera de Bienestar Social y Vivienda, Esther Díaz, acompañada del alcalde de Llaviana, Adrián Barbón, y la directora xeneral de Vivienda, Ana Rivas, apurrió güei cinco viviendes de promoción pública (VPP) del Principáu d’Asturies en réxime d’arriendu. L’actu tuvo llugar esti mediudía nel Centru d’Innovación y Desenvolvimientu del Altu Nalón (CIDAN).
El Principáu invirtió nel arreglu d’estos inmuebles un total de 27.000 euros. Los pisos, que tán allugaos en La Pola Llaviana, Barredos y Villoria, tienen dos o tres dormitorio y una superficie útil d’ente 54,46 y 75,86 metros cuadraos, y dellos cunten con trasteru venceyáu.
La renta inicial, que varia en función de la superficie útil de les viviendes y trasteros, va afacer a les circunstancies económiques y familiares de los axudicatarios. A la convocatoria presentáronse un total de 24 solicitúes y fueron almitíes 21.