L’Executivu autonómicu aprobó’l decretu qu’establez los topónimos oficiales de Villayón y avanza asina nel diseñu del mapa toponímicu del Principáu, con un total de 60 conceyos completos.
Anguaño atópense yá bien avanzaos los espedientes d’Uviéu, Cabrales, Llanera, Castropol, Coaña, Les Regueres, Onís y Somiedu. Amás, con espediente abiertu y en distintos fases del procedimientu figuren Cuideiru, Ayande, Caravia, Ibias, Peñamellera Baxa, Salas, Navia, Pravia y Muros de Nalón.