El Gobiernu asturianu va sofitar con 102.000 euros los proyectos que realicen les entidaes locales en materia de consumu, como actividaes empobinaes al asesoramientu ya información de los ciudadanos, la tramitación de denuncies y les actuaciones inspectores rellacionaes col control de seguridá de productos y servicios. Tamién va financiar les necesidaes de personal, equipamientu, funcionamientu y, polo xeneral, cualquier acción que contribuya a promover la protección de los usuarios.
Anguaño, 18 entidaes locales asumieron estes competencies por aciu l’aprobación de la correspondiente ordenanza de consumu y la creación d’una oficina municipal d’información (OMIC): los conceyos d’Avilés, Cangues d’Onís, Castrillón, Corvera, Xixón, Grau, L.lena, Mieres, Nava, Uviéu, Pravia, Ribesella, Siero, Tinéu, Valdés, A Veiga y les mancomunidaes de Cabo Peñes y Valle del Nalón.