El Conseyu de Gobiernu autorizó la concesión demanial al Conceyu de Somiedu –a pidimientu del propiu consistoriu— de dos cabañes de cubierta vexetal allugaes n’As Veigas p’allugar un ecomuséu.
El Principáu ye’l propietariu d’estos dos cabanes n’As Veigas. Una d’elles, de 70 metros cuadraos construyíos, ye una casa con cubierta de teito de forma irregular que s’atopa adosada a la peña pel so llau esti. El so aspeutu actual respuende a tres fases socesives. La zona más antigua ocupa güei el centru de la edificación. Más palantre creóse l’anexu oeste, esviáu respectu a la exa de la cabana orixinal, na que se dispunxo la cocina y el fornu de pan. Consta de delles habitaciones y servicios.
La segunda cabana, con una superficie construyida de 50,42 metros cuadraos, ye un edificiu formáu por un bloque de planta rectangular d’un solu pisu. La fachada principal ta formada por trés buecos: puerta y dos ventanes. L’interior consta de zaguán, dos cuartos y cocina.
El plazu de duración de la concesión va ser de quince año, anque puede prorrogase por plazos añales hasta un máximu de cuatro prórrogues. Una vegada concluyíu’l plazu de duración, la concesionaria tendrá de dexar l’inmueble a disposición del Principáu.
