El Principáu va destinar 80.000 euros n’ayudes a persones que percibieren la totalidá de la prestación por desempléu na so modalidá de pagu únicu y incorporárense como socios a cooperatives o sociedaes o s’establecieren como trabayadores autónomos.
Esta midida subvenciona les cuotes abonaes polos beneficiarios a la Seguridá Social, ente’l 1 d’agostu de 2017 y el pasáu 30 de xunu, acordies con les siguientes condiciones:
– Les persones que s’acueyan al Réxime Especial de Trabayadores Autónomos (Reta) van beneficiar d’una ayuda equivalente al 50% de la cuota calculada sobro la base mínima de cotización.
– Les persones que s’acueyan al réxime xeneral de la Seguridá Social van beneficiar d’una subvención equivalente al 100% de la so aportación a les cotizaciones.
La Conseyería d’Empléu, Industria y Turismu sofita d’esta miente les iniciatives d’empléu autónomu. L’añu pasáu, concediéronse ayudes per valor de 60.703 euros a 131 persones que percibieren la totalidá de les prestación por desempléu na so modalidá de pagu únicu, de les cualos 66 yeren muyeres.