La Oficina de Normalización Llingüística celebra mañana, martes 24 de abrilm (a partir de les 9.h. nel Muséu del Pueblu d’Asturies) los XV Alcuentros de la Mocedá cola Llingua, xornada lúdico-pedagóxica na que averar la llingua asturiana a la mocedá de manera prestosa y diferente, col envís de que se pescancien de que l’asturianu tamién s’emplega fuera del aula, y ye una ferramienta normal de comunicación al tiempu que van poder disfrutar de distintes propuestes que guarden rellación con ella( xuegos tradicionales y una yinkana cultural)
A les 12 h. Gala nel salón d’actos del palaciu de congresos de la FIDMA, onde se va proyeutar un videu conmemorativa d’estos quince años, va haber actuaciones teatrales, un concursu ente institutos y una cápsula del tiempu onde se van posar los deseos y petites de la mocedá pa col asturianu,.
En definitiva, una xornada pa esfrutar, deprender, compartir y vindicar, na que l’asturianu y la mocedá son los protagonistes.
Participen casi quinientos alumnos y alumnes de enseñanza secundaria de 13 centros educativos de Xixón
Asiste: Mª Xosé Rodríguez, Responsable de la Oficina de Normalización Llingüística