La Conseyería d’Infraestructures, Ordenación del Territoriu y Mediu Ambiente sacó a llicitación les obres de meyora de la rede de suministru d’agua en Carreño, con un presupuestu de 285.000 euros y un plazu d’execución de 20 meses.
El proyectu inclúi cuatro actuaciones de sustitución y meyora de la rede que suministra a les parroquies de Perlora, Llorgozana, Quimarán y Candás. En concretu, va anovase un tramu bypass ente La Parada y Candás y van completase la rede y les conexones en Cabovilla, nel barriu d’El Fondu y en El Regueral.
Les obres van dexar garantizar un correctu suministru, al arreglar los frayatos y fugues que se producen de resultes de los defectos nes conducciones de la rede qu’abastez d’agua a Carreño.