El Gobiernu d’Asturies va decidir nes próximes hores si procede realizar la declaración de prealerta por contaminación atmosférica por causa de les quemes forestales qu’afaren bona parte del Principáu. En tantu evalúase esa decisión, la Conseyería de Sanidá encamienta que les persones mayores, los neños, les embarazaes y los enfermos crónicos –n’especial, aquellos afectaos por problemes respiratorios, cardiovasculares y inmunosupresión- llinden l’actividá física intensa nel esterior.
El Principáu fai tamién un llamamientu espreso a la tranquilidá y a evitar el alarmismo. Agora mesmu, tantu’l presidente como los conseyeros de Presidencia, Sanidá, Infraestructures y Desenvolvimientu Rural tán nel Centru d’Emerxencies de La Morgal coordinando les distintes midíes necesaries para combatir les quemes, amenorgar la contaminación y embrivir los daños. Ente eses acciones inclúyese la suspensión de les clases nos conceyos de Ibias, Ayande, Cangas, Degaña y Tinéu, decidida pola Conseyería d’Educación.
La escuridá apreciable ye un efectu deriváu de la fumareda provocada poles quemes y confíase en que vaiga atenuándose y estenándose a lo llargo de la xornada. La Dirección Xeneral de Salú Pública precisa que los ciudadanos pueden faer vida normal, ensin necesidá dalguna d’acutar les sos actividaes habituales. Namá tienen de tomar precuros especiales los colectivos citaos primeramente.
La Conseyería de Sanidá tamién echó voz de al sistema sanitariu que tea preparáu para xuna mayor demanda asistencial, especialmente nos servicios d’atención primaria.
Efectos sobro la salú
El fumu de les quemes forestales ye xuna amiestu de gases y partícules fines y puede causar irritación nos güeyos y l’aparatu respiratoriu, según agravar les enfermedaes cardiacu y pulmonar cróniques.
Les persones con más probabilidaes de carecer si alienden fumu son les mayores de 75 años, la población infantil, les muyeres embarazaes, les persones que carecen afecciones respiratories, cuantimás los asmáticos, y del corazón.
Alendar fumu puede tener efectos na salú: provocar tos, irritación de gargüelu y ñariz, molesties nos güeyos, etcétera.
Nel casu de que se declare la situación de prealerta, los encamientos a la población xeneral son les siguientes:
– Evitar salir al esterior, cuantimás les persones susceptibles, pa nun esponese a les partícules.
– Nos ambiente interior, nun encender nada qu’emita fumu: chimenees, cocines de lleña, carbón o gas, veles. Evitar tamién el fumu de tabacu, yá que con ello va aumentar la contaminación del aire.
– Puede consultar l’estáu de la calidá del aire na páxina web de la rede calidable del aire del Gobiernu d’Asturies