L’Executivu aprobó’l decretu que regula la organización y funcionamientu del Rexistru d’Entidaes Deportives del Principáu, la oficina pública de l’Alministración na que tienen d’inscribise les organizaciones d’esti ámbitu que desenvuelven la so actividá n’Asturies.
Esti decretu deroga otru anterior, de xunu de 1996, que presentaba vacíos normativos cada vez más difíciles de suplir. La medría d’entidaes deportives y la complexidá de les sos estructures obliguen a actualizar la normativa para afaela a les necesidaes actuales.
El testu escuerre una configuración del rexistru más precisa y eficiente, que favoreza una meyor coordinación ente l’Alministración autonómica y les distintes entidaes deportives asturianes.